အမေရိကန်ဘက်က ယုံကြည်မှုတည်ဆောက်မည်ဆိုလျှင် အီရန်အနေဖြင့် ငြိမ်းချမ်းရေးလမ်းကြောင်းကို ဆက်လက်လျှောက်လှမ်းမည်ဟု အီရန်သမ္မတ ဆို
အမေရိကန်နိုင်ငံဘက်က ယုံကြည်မှုရှိသော ပတ်ဝန်းကျင် တည်ဆောက်ရေးကို အထောက်အကူပြုမည်ဆိုလျှင် အီရန်နိုင်ငံအနေဖြင့်လည်း မကြာမီက အမေရိကန်နှင့် လက်မှတ်ရေးထိုးထားသည့် နားလည်မှုစာချွန်လွှာ (MoU) အရ ငြိမ်းချမ်းရေးလမ်းကြောင်းကို ဆက်လက်လျှောက်လှမ်းသွားမည်ဟု အီရန်သမ္မတ မာဆု ပီဇက်ရှ်ကီယန်က ဩဂုတ် ၈ ရက်၌ ပြောကြားခဲ့သည်။
အီရန်အနေဖြင့် နားလည်မှုစာချွန်လွှာတွင် ပါရှိသော "အချက်များ" ကို အခြေခံကာ "ငြိမ်းချမ်းရေးလမ်းကြောင်း" ပေါ်တွင် ဆက်လက်လျှောက်လှမ်းရန် ကြိုးပမ်းလျက်ရှိကြောင်း၊ ယခုအချိန်သည် နိုင်ငံအတွင်း တစ်စိတ်တစ်ဝမ်းတည်းရှိမှု၊ စွမ်းပကားနှင့် စုစည်းညီညွတ်မှုတို့ ရှိနေသည့်အတွက် သဘောတူညီချက်ရယူရန် အကောင်းဆုံးအချိန်အခါဖြစ်ကြောင်း ပီဇက်ရှ်ကီယန်က ပြောသည်။
"အမေရိကန်ကသာ သူတို့ကိုယ်တိုင်ဖန်တီးထားတဲ့ မယုံကြည်မှုတွေရှိနေတဲ့ ပတ်ဝန်းကျင်ကနေ ဖယ်ခွာပြီး ယုံကြည်မှုတည်ဆောက်ထားတဲ့ ပတ်ဝန်းကျင်တစ်ခု ဖြစ်ထွန်းလာမယ်ဆိုရင် ကျွန်တော်တို့ဘက်ကလည်း နားလည်မှုစာချွန်လွှာကို အခြေခံအဖြစ် ကျင့်သုံးဖို့ စိတ်ပိုင်းဖြတ်ထားပါတယ်" ဟု ၎င်းက ဆိုသည်။
လတ်တလော ချုပ်ဆိုထားသော သုံးနိုင်ငံ ကာကွယ်ရေးသဘောတူစာချုပ်မှာ အီရန်အား ပစ်မှတ်ထားခြင်း မဟုတ်ဟု တူကီယဲ နိုင်ငံခြားရေးဝန်ကြီး ပြော
လတ်တလော ချုပ်ဆိုထားသော မက်ကာ ပူးတွဲကာကွယ်ရေး သဘောတူညီချက်မှာ အီရန်အား ပစ်မှတ်ထားခြင်း မဟုတ်ကြောင်း၊ ယင်းသဘောတူညီချက်မှာ ကာကွယ်ရေးအတွက် ဦးတည်သည့် သဘောသဘာဝရှိကာ စာချုပ်ဝင်နိုင်ငံများအား ပြင်ပမှတိုက်ခိုက်မှုများကို ကာကွယ်ရန် ရည်ရွယ်ခြင်းဖြစ်ကြောင်း တူကီယဲ နိုင်ငံခြားရေးဝန်ကြီး ဟာကန် ဖီဒန်က ဩဂုတ် ၈ ရက်၌ ပြောကြားခဲ့သည်။
"ဘယ်လိုဘုံအန္တရာယ်ကိုမှ ကျွန်တော်တို့ ထည့်သွင်းရေးသားထားတာမျိုး မရှိပါဘူး" ဟု တူကီယဲအခြေစိုက် အနာဒိုလူ သတင်းဌာနနှင့် အင်တာဗျူး၌ ဖီဒန်က ပြောကြားခဲ့ကာ ယင်းသဘောတူညီချက်မှာ စာချုပ်ဝင်နိုင်ငံများကို ရန်ပြုတိုက်ခိုက်ခြင်းမရှိသော မည်သည့်နိုင်ငံကိုမှ ပစ်မှတ်ထားခြင်းမရှိဟုလည်း ထည့်သွင်းပြောကြားခဲ့သည်။
ဆော်ဒီ၊ တူကီယဲနှင့် ပါကစ္စတန်နိုင်ငံတို့က ဆော်ဒီနိုင်ငံ မက်ကာမြို့တွင် ဩဂုတ် ၇ ရက်က လက်မှတ်ရေးထိုးခဲ့သည့် သဘောတူညီချက်၌ အဆိုပါသုံးနိုင်ငံအနက် တစ်နိုင်ငံအား တိုက်ခိုက်မည်ဆိုပါက သုံးနိုင်ငံစလုံးအား တိုက်ခိုက်ခြင်းဖြစ်သည်ဟု မှတ်ယူမည်ဖြစ်ကြောင်း အတိအလင်းဖော်ပြထားသည်။
ကနေဒါနိုင်ငံ ဗြိတိသျှ ကိုလံဘီယာပြည်နယ်တွင် တောမီးအန္တရာယ်ကြောင့် အရေးပေါ်အခြေအနေ ကြေညာ
ကနေဒါနိုင်ငံ အနောက်ပိုင်း ဗြိတိသျှ ကိုလံဘီယာပြည်နယ် (B.C.) တွင် တောမီးများ အလျင်အမြန် ကူးစက်ပျံ့နှံလျက်ရှိရာ ရပ်ရွာလူမှုအသိုက်အဝန်းများကို အန္တရာယ်ပေးနိုင်ဖွယ်ရှိသည့်အတွက် ဩဂုတ် ၈ ရက်၌ ပြည်နယ်အဆင့် အရေးပေါ်အခြေအနေ ကြေညာထားရသည်။
တောမီးအခြေအနေမှာ လျင်မြန်စွာ ကူးစက်လောင်ကျွမ်းနေပြီး ညတွင်းချင်း အကြီးစား ရွှေ့ပြောင်းကယ်ဆယ်မှုများ လုပ်ဆောင်ရန် လိုအပ်လျက်ရှိရာ အများပြည်သူ ဘေးကင်းလုံခြုံရေးအတွက် အထူးအစီအမံများ လိုအပ်နေခြင်းကြောင့် ယင်းကဲ့သို့ ဆုံးဖြတ်ခဲ့ခြင်းဖြစ်သည်ဟု ဗန်ကူးဗားမြို့တွင် ပြုလုပ်သော သတင်းစာရှင်းလင်းပွဲ၌ ပြည်နယ်ဝန်ကြီးချုပ် ဒေးဗစ် အက်ဘီက ပြောသည်။
"ဒီတောမီးရဲ့ အခြေအနေက သိပ်ကိုအန္တရာယ်ရှိပြီး အချိန်နဲ့အမျှ ပြောင်းလဲနေပါတယ်" ဟု အက်ဘီက ပြောကြားခဲ့ကာ လူ့အသက်များကို ကယ်ဆယ်ရေးနှင့် ကယ်ဆယ်ရေးလုပ်ဆောင်မှုများကို အထောက်အကူပေးရေးမှာ အစိုးရ၏ ထိပ်တန်းဦးစားပေးဖြစ်သည်ဟုလည်း အလေးအနက်ပြောကြားခဲ့သည်။
စစ်မျက်နှာအများအပြားနှင့် ရင်ဆိုင်နေရသည့် အခြေအနေအတွက် ဆွေးနွေးရန် အမေရိကန် ဗဟိုကွပ်ကဲမှုဌာနချုပ် အကြီးအကဲ အစ္စရေးသို့ သွားရောက်
အမေရိကန် ဗဟိုကွပ်ကဲမှုဌာနချုပ် (CENTCOM) အကြီးအကဲ ဘရက်ဒ် ကူးပါးသည် နာရီအနည်းငယ် ကြာမြင့်သော ခရီးစဉ်အဖြစ် ဩဂုတ် ၈ ရက်၌ အစ္စရေးသို့ ရောက်ရှိလာကြောင်း အစ္စရေးနိုင်ငံပိုင်ရုပ်သံ Kan TV News က ဖော်ပြခဲ့သည်။
အဆိုပါ အချိန်တိုတောင်းသော ခရီးစဉ်အတွင်း ကူးပါးအနေဖြင့် အစ္စရေးစစ်တပ် အကြီးအကဲ အီယာလ် ဇာမီယာနှင့် အခြားအကြီးတန်းတပ်မှူးများနှင့် တွေ့ဆုံခဲ့ကာ စစ်မျက်နှာအများအပြားနှင့် ရင်ဆိုင်နေရသည့် လက်ရှိအခြေအနေနှင့် ပတ်သက်၍ ဆွေးနွေးသုံးသပ်ခဲ့သည်ဟု အဆိုပါရုပ်သံက ဖော်ပြခဲ့သည်။
အမေရိကန်စစ်တပ်အနေဖြင့် အစ္စရေးတွင် အထူးသတိပြုကာ အမေရိကန် တိုက်လေယာဉ်များ၊ ဆီဖြည့်လေယာဉ်များ၊ လေကြောင်းရန်ကာကွယ်ရေးစနစ်များ၊ ထောင်နှင့်ချီသည့် အမေရိကန် တပ်ဖွဲ့တင်များကို ဖြန့်ကြက်ထားဆဲဖြစ်ကြောင်းလည်း ဖော်ပြခဲ့သည်။
ဒုံးခွင်းဒုံးများ လစဉ်ပေးပို့ရေးအတွက် ယူကရိန်းနှင့် အမေရိကန် သဘောတူညီမှုရရှိ
ပက်ထရီယော့ လေကြောင်းရန်ကာကွယ်ရေးစနစ်အတွက် ဒုံးခွင်းဒုံးများ လစဉ်ပေးပို့ရေးအတွက် ယူကရိန်းနှင့် အမေရိကန်တို့ သဘောတူညီမှု ရရှိခဲ့ပြီဖြစ်ကြောင်း၊ သို့သော် အဆိုပါဒုံးခွင်းဒုံး အရေအတွက်မှာ လုံလောက်မှုမရှိသေးကြောင်း ယူကရိန်းသမ္မတ ဗိုလိုဒီမာ ဇယ်လန်းစကီးက ပြောကြားခဲ့သည်ဟု Ukrinform သတင်းဌာနက ဩဂုတ် ၈ ရက်၌ ဖော်ပြခဲ့သည်။
အမေရိကန်က ယူကရိန်းအား ဒုံးခွင်းဒုံးများ လစဉ်ပေးပို့သွားမည်ဟု ဇယ်လန်းစကီးက ဘဲလ်ဂရိတ်မြို့တွင် သတင်းထောက်များကို အတည်ပြုခဲ့သည်။ သို့သော် ထိုပမာဏမှာ ယူကရိန်း၏ လေကြောင်းရန်ကာကွယ်ရေးအတွက် လိုအပ်ချက်နှင့် ပြည့်မီခြင်းမရှိသေးဟု ၎င်းက အလေးအနက်ပြောဆိုခဲ့သည်။
ယူကရိန်းအနေဖြင့် ၂၀၂၆ ခုနှစ်တွင် လက်ခံရရှိမည်ဟု မျှော်မှန်းထားသည့် ဒုံးခွင်းဒုံးအရေအတွက်မှာ ၂၀၂၅ ခုနှစ်ကထက် လျော့နည်းဖွယ်ရှိကြောင်း ဇယ်လန်းစကီးက ပြောကြားခဲ့သော်လည်း အရေအတွက် အတိအကျကိုမူ ထုတ်ဖော်ပြောဆိုခဲ့ခြင်းမရှိပေ။ (Xinhua)
.................................................................................
(English Version)
Daily World Briefing, Aug. 9
Iran to continue path of peace if U.S. builds trust: president
Iranian President Masoud Pezeshkian said Saturday Tehran will keep pursuing the path of peace under the memorandum of understanding (MoU) signed recently with the United States, provided that Washington helps build an atmosphere of trust.
Iran is trying to move on the "path of peace" based on the "paragraphs" in the MoU, Pezeshkian said at a press conference, adding, "Now is the best time to reach an agreement, as there is solidarity, power and unity in the country."
"We are determined to ... use the MoU as the basis provided that the United States lets go of the atmosphere of distrust it has created, and an atmosphere of trust is formed," he said.
Turkish FM says newly-signed trilateral defense deal not aimed at Iran
Turkish Foreign Minister Hakan Fidan said Saturday that the newly-signed Makkah Joint Defense Agreement does not target Iran, clarifying that the deal is defensive in nature and aimed at protecting signatories from external "attacks."
In an interview with Türkiye's Anadolu Agency, Fidan said "there is no common threat that we have put in writing," adding that the deal does not target any country that does not attack its signatories.
The deal, signed Friday by Saudi Arabia, Türkiye and Pakistan in the Saudi city of Makkah, stipulates that any armed attack against one of the three countries will be considered an attack against them all.
Canada's British Columbia declares state of emergency over wildfires
The western Canadian province of British Columbia (B.C.) declared a provincial state of emergency on Saturday as fast-spreading wildfires threatened several communities.
Speaking at a news conference in Vancouver, B.C. Premier David Eby said the decision was necessary given the dynamic wildfire situation and overnight large-scale evacuations, which required specific tools to ensure public safety.
"The conditions of this fire are extremely dangerous and are changing minute by minute," Eby said, stressing that saving lives and supporting rescue efforts remain the government's top priority.
CENTCOM chief visits Israel for talks on multi-front situation
Brad Cooper, chief of U.S. Central Command (CENTCOM), arrived in Israel on Saturday for a several-hour visit, Israel's state-owned Kan TV News reported.
During his brief visit, Cooper met with Israeli military chief Eyal Zamir and other senior commanders to assess the current multi-front situation, Kan reported.
It reported that the U.S. military remains on high alert in Israel, where dozens of U.S. fighters, refueling aircraft, air defense systems, and thousands of U.S. troops remain deployed.
Ukraine reaches deal with U.S. on monthly deliveries of interceptor missiles: Zelensky
Ukraine has reached an agreement with the United States on monthly deliveries of interceptor missiles for the Patriot air defense system, although the supply remains insufficient, Ukrinform news agency reported Saturday, citing Ukrainian President Volodymyr Zelensky.
Speaking to reporters in Belgrade, Zelensky confirmed that Washington will supply Ukraine with interceptor missiles on a monthly basis. However, he stressed that the volume falls short of meeting the country's air defense needs.
Zelensky noted that the number of interceptor missiles Ukraine is expected to receive in 2026 would be lower than in 2025, without disclosing specific figures.
