ပေကျင်း၊ ဩဂုတ် ၂၂ ရက် (ဆင်ဟွာ)
ဂျပန်နိုင်ငံရေးပါတီများမှ လွှတ်တော်အမတ်များ တရုတ်နိုင်ငံသို့ ခရီးစဉ်လာရောက်ရန် စီစဉ်မှုနှင့် စပ်လျဉ်း၍ သတင်းထောက်များ၏ မေးမြန်းမှုကို တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် လျင်ကျန့်က ဩဂုတ် ၂၁ ရက်တွင် ဖြေကြားခဲ့သည်။
ထိုနေ့ပုံမှန်သတင်းစာရှင်းလင်းပွဲတွင် သတင်းထောက်တစ်ဦးက ဂျပန်နိုင်ငံရေးပါတီပေါင်းစုံမှ လွှတ်တော်အမတ်များသည် လာမည့်အပတ်တွင် တရုတ်နိုင်ငံသို့ ခရီးစဉ်လာရောက်ရန် စီစဉ်နေပြီး ဂျပန်-တရုတ် ဆက်ဆံရေး၏ လက်ရှိအခြေအနေသည် မည်သည့်ဘက်၏ အကျိုးစီးပွားနှင့်မျှ မကိုက်ညီကြောင်း၊ နှစ်နိုင်ငံဆက်ဆံရေး တိုးတက်ကောင်းမွန်လာစေရန် တွန်းအားပေးသည့် အခန်းကဏ္ဍမှ ပါဝင်ရန် မျှော်လင့်ကြောင်း ပြောကြားခဲ့ရာ တရုတ်နိုင်ငံအနေဖြင့် ယင်းအပေါ် မည်သို့ မှတ်ချက်ပြုပြောကြားလိုပါသနည်းဟု မေးမြန်းခဲ့သည်။
လျင်ကျန့်က ဂျပန်နိုင်ငံရေးပါတီပေါင်းစုံမှ အမြော်အမြင်ရှိသော ပုဂ္ဂိုလ်အချို့သည် လက်ရှိ ဂျပန်-တရုတ် ဆက်ဆံရေးအပေါ် အလွန်စိုးရိမ်ပူပန်နေကြပြီး နှစ်နိုင်ငံဆက်ဆံရေး မှန်ကန်သောလမ်းကြောင်းပေါ်သို့ ပြန်လည်ရောက်ရှိစေရန် ကြိုးပမ်းလိုသည်ကို မိမိတို့ သတိပြုမိကြောင်း၊ “ဂျပန်နိုင်ငံ အုပ်ချုပ်သူများအနေနဲ့ ဒီပြောဆိုချက်တွေကို နားဆင်ပြီး အလေးထားကာ တရုတ်-ဂျပန် နိုင်ငံရေးစာရွက်စာတမ်းလေးခုပါ အခြေခံမူအသီးသီးကို အခိုင်အမာလိုက်နာဖို့၊ လက်တွေ့လှုပ်ရှားမှုတွေနဲ့ ဂျပန်-တရုတ် ပုံမှန်သွားလာဆက်ဆံရေးအတွက် လိုအပ်တဲ့ အခြေအနေတွေကို ဖန်တီးပေးဖို့ ကျွန်တော်တို့ တိုက်တွန်းအပ်ပါတယ်” ဟု ပြောကြားခဲ့သည်။ (Xinhua)
------------------------------------
(Chinese Version)
外交部发言人就日本议员计划访华答记者问
新华社北京8月21日电（记者邵艺博、冯歆然）外交部发言人林剑21日就日本朝野政党国会议员计划访华答记者问。
当日例行记者会上，有记者问：据报道，日本朝野政党国会议员计划下周访华，表示日中关系现状不符合任何一方利益，希望为推动两国关系改善发挥作用。中方对此有何评论？
林剑说，我们注意到，日本朝野政党一些有识之士对当前中日关系深感忧虑，希望为双边关系走上正确轨道作出努力。“我们敦促日本当政者倾听、重视这些声音，恪守中日四个政治文件的各项原则，以实际行动为中日正常交流创造必要条件。”（完）
