လန်ဒန်၊ သြဂုတ် ၂၈ ရက် (ဆင်ဟွာ)
ဗြိတိန်နိုင်ငံတွင် ၂၀၂၆ ခုနှစ် ဒုတိယသုံးလပတ်ကာလအတွင်း အသက် ၁၆ နှစ်မှ ၂၄ နှစ်ကြား အရွယ်ရှိ လူငယ်တစ်သန်းနီးပါးမှာ ပညာသင်ကြားခြင်း၊ အလုပ်လုပ်ကိုင်ခြင်း သို့မဟုတ် သင်တန်းတက်ရောက်ခြင်း မရှိကြကြောင်း သြဂုတ် ၂၇ ရက်က ထုတ်ပြန်သည့် တရားဝင်အချက်အလက်များအရ သိရသည်။
အမျိုးသားစာရင်းအင်းရုံး၏ ထုတ်ပြန်မှုအချက်အလက်များအရ ဧပြီလမှ ဇွန်လအထိကာလအတွင်း အဆိုပါအရေအတွက်မှာ ၉၈၁,၀၀၀ ရှိခဲ့ပြီး အဆိုပါ အသက်အရွယ်အုပ်စု၏ ၁၃ ရာခိုင်နှုန်းလည်း ဖြစ်ကြောင်း၊ ၎င်းပမာဏမှာ ယခင်သုံးလပတ်ကာလနှင့် နှိုင်းယှဉ်ပါက ၃၀,၀၀၀ ခန့် လျော့ကျသွားသော်လည်း ယမန်နှစ် ကာလတူထက်မူ ၃၀,၀၀၀ ခန့် မြင့်တက်လာကြောင်း သိရသည်။
နောက်ဆုံးရရှိထားသော ကိန်းဂဏန်းအချက်အလက်များအရ အသက် ၁၆ နှစ်မှ ၂၄ နှစ်ကြားအရွယ်ရှိလူငယ်များမှာ ပညာ၊ အလုပ် သို့မဟုတ် သင်တန်းတက်ရောက်ခြင်း မရှိမှု (NEET) အခြေအနေနှုန်းမှာ လွန်ခဲ့သည့်တစ်နှစ်ကထက် မြင့်မားနေဆဲဖြစ်ပြီး ရေရှည်တွင်လည်း မြင့်တက်လာမည့်လမ်းကြောင်းပေါ်၌ ရှိနေကြောင်း Learning and Work Institute မှ ဒုတိယညွှန်ကြားရေးမှူး အယ်လိဇဘက် ဂျာရတ်က ပြောကြားခဲ့သည်။
ထို NEET အခြေအနေသို့ ရောက်ရှိနေသည့် လူငယ်များ၏ ထက်ဝက်ကျော်မှာ စီးပွားရေးအရ လှုပ်ရှားဆောင်ရွက်မှုမရှိသူများဖြစ်ကြပြီး ၎င်းတို့သည် အလုပ်လုပ်ကိုင်ခြင်း သို့မဟုတ် ပညာသင်ကြားခြင်း မရှိသလို၊ အလုပ်ရှာဖွေခြင်း သို့မဟုတ် အလုပ်လုပ်ကိုင်ရန် အဆင်သင့်ဖြစ်နေခြင်းမျိုးလည်းမရှိကြောင်း ဂျာရတ်က ပြောကြားခဲ့သည်။
ဂျာရတ်၏ ထပ်လောင်း ပြောကြားမှုအရ အလွန်များပြားသည့် လူငယ်များမှာ ၎င်းတို့အရွယ်ရောက်လာချိန်တွင် ပညာရေးမှတစ်ဆင့် ရေရှည်တည်တံ့ခိုင်မြဲသောအလုပ်အကိုင်ရရှိမည့်အခြေအနေသို့ ကူးပြောင်းရာ၌ ရုန်းကန်လှုပ်ရှားနေရကြောင်း သိရသည်။
"စီးပွားရေးလုပ်ငန်းတွေက လူငယ်တွေကို ပိုပြီး အလုပ်ခန့်အပ်ချင်ကြပေမဲ့ ကုန်ကျစရိတ်တွေ မြင့်တက်လာမှုတွေက အဲဒီလိုလုပ်ဖို့ အလွန်ကြီးမားတဲ့စိန်ခေါ်မှုတွေနဲ့ ဖိအားကြုံနေရပါတယ်" ဟု British Chambers of Commerce မှ မူဝါဒရေးရာမန်နေဂျာ ဟာနက်ရှ်လာဆင်က ပြောကြားခဲ့သည်။
လူငယ်များ၏အလုပ်အကိုင်ဆိုင်ရာ အခက်အခဲကိုဖြေရှင်းရာတွင် ကူညီပေးနိုင်ရန် စီးပွားရေးလုပ်ငန်းများကို အားပေးကူညီသင့်သလို ၎င်းတို့ရင်ဆိုင်နေရသည့် ဖိအားများကိုလည်း ထည့်သွင်းစဉ်းစားသင့်ကြောင်း ၎င်းက ပြောကြားခဲ့သည်။ (Xinhua)
-------------------
(English version)
Nearly 1 mln young Britons not in education, employment or training
LONDON, Aug. 27 (Xinhua)
Nearly one million young people aged 16 to 24 in the United Kingdom were not in education, employment or training (NEET) in the second quarter of 2026, official data showed on Thursday.
The number stood at 981,000 in the April-June period, or 13 percent of the age group, down by about 30,000 from the previous quarter but up by 30,000 from a year earlier, according to the Office for National Statistics (ONS).
Elizabeth Gerard, deputy director of the Learning and Work Institute, said the latest figures showed that the NEET rate among 16- to 24-year-olds remained above its level a year ago and was still on a longer-term upward trend.
More than half of young people who are NEET are economically inactive, meaning they are neither in work or education nor actively seeking or available for work, Gerard said.
She added that too many young people were struggling to make the transition from education into sustainable employment as they entered adulthood.
"Businesses want to hire more young people, but rising cost pressures have made that hugely challenging," Hannah Larsen, policy manager at the British Chambers of Commerce, said.
She said businesses should be encouraged to help tackle the youth jobs crisis, while the pressures they face should also be taken into account. ■
Photo caption: Protesters take part in the Global Climate Strike protest in central London, Britain, on Sept. 20, 2019. (Photo by Ray Tang/Xinhua)
