ဟနွိုင်း၊ အောက်တိုဘာ ၁၈ ရက် (ဆင်ဟွာ)
နော်ဝေ၊ ဆွစ်ဇာလန်၊ အိုက်စလန်နှင့် လစ်ချ်တင်စတိန်းနိုင်ငံတို့ ပါဝင်ဖွဲ့စည်းထားသည့် ဥရောပ လွတ်လပ်သော ကုန်သွယ်ရေးအသင်း (EFTA) နှင့် ဗီယက်နမ်နိုင်ငံတို့အနေဖြင့် လွတ်လပ်သော ကုန်သွယ်မှု သဘောတူညီချက်ကို ဟနွိုင်းမြို့၌ အောက်တိုဘာ ၁၈ ရက်တွင် လက်မှတ်ရေးထိုးလိုက်ကြောင်း ဗီယက်နမ်သတင်းဌာနက ဖော်ပြခဲ့သည်။
အဆိုပါသဘောတူညီချက် အသက်ဝင်လာသည်နှင့်တစ်ပြိုင်နက် ၎င်းသဘောတူညီချက်အရ EFTA အဖွဲ့ဝင်နိုင်ငံများအနေဖြင့် ဗီယက်နမ်နိုင်ငံမှ ထုတ်လုပ်သည့် စက်မှုကုန်ပစ္စည်းများနှင့် ရေထွက်ကုန်ပစ္စည်းများအပေါ် သွင်းကုန်စည်းကြပ်ခွန်နှုန်းထား သုညဖြင့် ဆက်လက်ထားရှိမည်ဖြစ်ကာ ဗီယက်နမ်နိုင်ငံအနေဖြင့်လည်း EFTA နိုင်ငံများမှ တင်သွင်းလာသည့် အလားတူ ကုန်ပစ္စည်းအများစုအပေါ် ကောက်ခံနေသော အခွန်များကို ၁၁ နှစ်တာကာလအတွင်း တဖြည်းဖြည်း လျှော့ချခြင်း သို့မဟုတ် ဖယ်ရှားခြင်းများ ပြုလုပ်သွားမည်ဖြစ်ကြောင်း ဗီယက်နမ်အစိုးရဝက်ဘ်ဆိုက်တွင် အောက်တိုဘာ ၁၇ ရက်၌ ဖော်ပြခဲ့သည်။
ဒိန်ခဲ၊ ကော်ဖီနှင့် ချောကလက် အပါအဝင် ရွေးချယ်ထားသော စိုက်ပျိုးရေးထွက်ကုန်များသည်လည်း ဗီယက်နမ်နိုင်ငံသို့ အခွန်ကင်းလွတ်ခွင့်ဖြင့် ဝင်ရောက်ခွင့် ရရှိမည်ဖြစ်သော်လည်း ၎င်းအတွက် အများဆုံး ၁၆ နှစ်အထိ ကြာမြင့်နိုင်သည့် အသွင်ကူးပြောင်းရေးကာလ သတ်မှတ်ထားသည်။
ထို့ပြင် ၎င်းသဘောတူညီချက်က အကောက်ခွန်ဆိုင်ရာ လုပ်ထုံးလုပ်နည်းများကို ရိုးရှင်းလွယ်ကူစေရန်နှင့် ခေတ်မီစေရန် ရည်ရွယ်သည်။ ထိုသဘောတူညီချက်က စိုက်ပျိုးရေး၊ သတ္တုတူးဖော်ရေးနှင့် ကုန်ထုတ်လုပ်မှုတို့အပါအဝင် သတ်မှတ်ထားသော ဝန်ဆောင်မှုမဟုတ်သည့် ကဏ္ဍများတွင် ခြွင်းချက်အချို့မှအပ နိုင်ငံခြားရင်းနှီးမြှုပ်နှံသူများကို ပြည်တွင်းရင်းနှီးမြှုပ်နှံသူများနှင့် တန်းတူဆက်ဆံရေးပေးရန် ပြဋ္ဌာန်းထားကာ ပွင့်လင်းမြင်သာမှုကို မြှင့်တင်ပေးပြီး ကုန်သွယ်ရေးဆိုင်ရာ နည်းပညာပိုင်း အတားအဆီးများကိုလည်း လျှော့ချပေးသည်။
ဗီယက်နမ်နိုင်ငံနှင့် EFTA အဖွဲ့ဝင်နိုင်ငံများအကြား နှစ်နိုင်ငံ ကုန်သွယ်မှုပမာဏမှာ နှစ်စဉ် ပျမ်းမျှ အမေရိကန်ဒေါ်လာ ၂ ဘီလီယံနီးပါး ရှိသည်။ ဗီယက်နမ်နိုင်ငံသည် ရေထွက်ကုန်များ၊ ဖိနပ်များ၊ အထည်အလိပ်များ၊ စက်ယန္တရားများနှင့် အီလက်ထရောနစ်ပစ္စည်းများကို အဓိက တင်ပို့လေ့ရှိပြီး စက်မှုလုပ်ငန်းသုံး စက်ပစ္စည်းကိရိယာများ၊ ဓာတုပစ္စည်းများ၊ ဆေးဝါးများနှင့် ထုတ်လုပ်မှုဆိုင်ရာ ကုန်ကြမ်းပစ္စည်းများကို ပြန်လည်တင်သွင်းလေ့ရှိကြောင်း ဗီယက်နမ်သတင်းဌာန၏ အဆိုအရ သိရသည်။ (Xinhua)
..........................................
(English Version)
Vietnam, EFTA sign free trade agreement
HANOI, Oct. 18 (Xinhua) -- Vietnam and the European Free Trade Association (EFTA), which comprises Norway, Switzerland, Iceland and Liechtenstein, signed a free trade agreement in Hanoi on Sunday, the Vietnam News Agency reported.
Under the agreement, EFTA countries will maintain zero import tariffs on industrial and seafood products originating from Vietnam once the agreement enters into force, while Vietnam will gradually reduce or eliminate tariffs on most such products from EFTA countries within 11 years, the government portal reported on Saturday.
Selected agricultural products, including cheese, coffee and chocolate, will also gain duty-free access to Vietnam, subject to a transition period of up to 16 years.
The agreement also seeks to simplify and modernize customs procedures. It provides for national treatment of investors in designated non-service sectors, including agriculture, mining and manufacturing, subject to certain exceptions, and promotes transparency and reduces technical barriers to trade.
Bilateral trade between Vietnam and EFTA member countries averages nearly 2 billion U.S. dollars annually. Vietnam mainly exports seafood, footwear, textiles, machinery and electronics, while importing industrial equipment, chemicals, pharmaceuticals and production materials, according to the Vietnam News Agency. ■
Photo caption 1: This photo taken on Aug. 3, 2026 shows sacks of rice for sale in Hanoi, Vietnam. (Photo by Tran Kien/Xinhua)
Photo caption 2: Workers make shoes for export at a workshop of the footwear company in Hanoi, Vietnam, April 1, 2022. (VNA/Handout via Xinhua)
