ပေကျင်း၊ ဩဂုတ် ၁၇ ရက် (ဆင်ဟွာ)
တောင်ကိုရီးယားအစိုးရသည် ဒီဇင်ဘာလတွင် ဂျပန်အလိုတော်ရိ၊ အမျိုးသားရေးဆန့်ကျင်သူများ၏ မတရားစုဆောင်းထားသော ပိုင်ဆိုင်မှုများကို ပြန်လည်သိမ်းဆည်းရန် တာဝန်ယူမည့် စုံစမ်းစစ်ဆေးရေးကော်မတီအသစ်တစ်ရပ်ကို ဖွဲ့စည်းတည်ထောင်မည်ဖြစ်ကြောင်း၊ ယင်းသည် ၁၆ နှစ်အကြာတွင် တောင်ကိုရီးယားနိုင်ငံက အဆိုပါလုပ်ငန်းကို ပထမဆုံးအကြိမ် ပြန်လည်စတင်ခြင်းဖြစ်ကာ အနည်းဆုံး တောင်ကိုရီးယား ဝမ် ၃၂.၅ ဘီလီယံ (တရုတ်ယွမ် သန်း ၁၅၀ ခန့်) တန်ဖိုးရှိ ဆက်စပ်ပိုင်ဆိုင်မှုများကို ပြန်လည်သိမ်းဆည်းနိုင်မည်ဟု ခန့်မှန်းထားကြောင်း တောင်ကိုရီးယားမီဒီယာများက ဩဂုတ် ၁၆ ရက်တွင် သတင်းဖော်ပြထားသည်။
တောင်ကိုရီးယားလွှတ်တော်သည် ယခုနှစ် မေလတွင် “ဂျပန်အလိုတော်ရိ၊ အမျိုးသားရေးဆန့်ကျင်သူများ၏ ပိုင်ဆိုင်မှုများကို နိုင်ငံတော်ပိုင်အဖြစ် သတ်မှတ်ခြင်းဆိုင်ရာ အထူးဥပဒေ” ကို အတည်ပြုပြီးနောက် တောင်ကိုရီးယားတရားရေးဝန်ကြီးဌာနသည် ဇွန်လတွင် “ဂျပန်အလိုတော်ရိ၊ အမျိုးသားရေးဆန့်ကျင်သူများ၏ ပိုင်ဆိုင်မှုများ စုံစမ်းစစ်ဆေးရေးကော်မတီ” ကို ပြင်ဆင်ဖွဲ့စည်းရန် လုပ်ငန်းအဖွဲ့တစ်ဖွဲ့ကို ဖွဲ့စည်းခဲ့ကြောင်း ဥပဒေရေးရာ သတင်းရင်းမြစ်များ၏ ပြောကြားချက်ကို ကိုးကား၍ Yonhap သတင်းဌာနက ဖော်ပြထားသည်။ ဤဥပဒေသည် ဒီဇင်ဘာလတွင် အသက်ဝင်လာသည်နှင့်အမျှ အဆိုပါကော်မတီသည် ပြန်လည်သိမ်းဆည်းရေးလုပ်ငန်းကို တရားဝင် စတင်မည်ဖြစ်သည်။
တရားရေးဝန်ကြီးဌာန အကြီးအကဲ Jeong Seong-ho က ပြန်လည်သိမ်းဆည်းရရှိသော ပစ္စည်းဥစ္စာများကို လွတ်လပ်ရေးလှုပ်ရှားသူများနှင့် ၎င်းတို့၏နောင်လာနောက်သားများအား ပံ့ပိုးကူညီရန် ဦးစားပေးအသုံးပြုမည်ဖြစ်ကြောင်း ပြောကြားခဲ့သည်။ “ကျွန်တော်တို့အနေနဲ့ တရားမျှတတဲ့ နိုင်ငံတော်တစ်ခုကို တည်ဆောက်ရမှာဖြစ်ပြီး နိုင်ငံအတွက် အရာအားလုံးကို ပေးဆပ်ခဲ့သူတွေအနေနဲ့ လေးစားခံရသင့်တယ်။ နိုင်ငံကို သစ္စာဖောက်ပြီး ငွေကြေးနဲ့ ဂုဏ်သတင်းတွေ ရှာဖွေစုဆောင်းခဲ့သူတွေရဲ့ မတရားရယူထားတဲ့ အကျိုးအမြတ်တွေကို ပြန်လည်သိမ်းဆည်းရမယ်” ဟု ၎င်းက ပြောကြားခဲ့သည်။
တောင်ကိုရီးယားအစိုးရသည် ၂၀၀၆ ခုနှစ်မှ ၂၀၁၀ ပြည့်နှစ် အတွင်း ဤကဲ့သို့သော ပြန်လည်သိမ်းဆည်းရေး လုပ်ဆောင်မှုများကို အကောင်အထည်ဖော်ခဲ့ပြီး ဂျပန်အလိုတော်ရိ၊ အမျိုးသားရေးဆန့်ကျင်သူ ၁၆၈ ဦး၏အမည်အောက်ရှိ မြေကွက် ၂,၃၅၉ ကွက်ကို နိုင်ငံတော်ပိုင်အဖြစ် သိမ်းယူခဲ့ကာ ဂျပန်အလိုတော်ရိ ၂၄ ဦး၏ နောင်လာနောက်သားများက တတိယပါတီသို့ လွှဲပြောင်းပေးအပ်ထားသော ပစ္စည်းဥစ္စာများကို ဂျပန်အလိုတော်ရိ ပစ္စည်းဥစ္စာများအဖြစ် သတ်မှတ်ခဲ့သည်။ ထိုကာလအတွင်း တောင်ကိုရီးယားအစိုးရသည် စုစုပေါင်း တောင်ကိုရီးယား ဝမ် ၂၃၇.၃ ဘီလီယံ (တရုတ်ယွမ် ၁၁.၃ ဘီလီယံခန့်) တန်ဖိုးရှိ ပိုင်ဆိုင်မှုများကို ပြန်လည်သိမ်းဆည်းခဲ့သော်လည်း ယင်းနောက်ပိုင်းတွင် သက်ဆိုင်ရာ လုပ်ငန်းများကို ဆက်လက်မလုပ်ဆောင်ခဲ့ပေ။
တောင်ကိုရီးယားနိုင်ငံ သမ္မတ လီဂျေမြောင်သည် ယမန်နှစ်တွင် ရာထူးထမ်းဆောင်ပြီးနောက် ဂျပန်အလိုတော်ရိ၊ အမျိုးသားရေးဆန့်ကျင်သူများ၏ ပိုင်ဆိုင်မှုများအား ပြန်လည်သိမ်းဆည်းခြင်းကို အဓိကလုပ်ငန်းစဉ်အဖြစ် သတ်မှတ်ခဲ့သည်။ ဂျပန်အလိုတော်ရိများ၏ နောင်လာနောက်သားများက ပစ္စည်းဥစ္စာများကို ရောင်းချခြင်း၊ လွှဲပြောင်းခြင်း သို့မဟုတ် ပိုင်ဆိုင်မှုကို ခွဲဝေဖြန့်ကြက်ခြင်းစသည့် လုပ်ရပ်များနှင့် ပတ်သက်၍ အသစ်အတည်ပြုထားသော အထူးဥပဒေတွင် သက်ဆိုင်ရာပစ္စည်းများကို စီမံခန့်ခွဲပြီးဖြစ်စေကာမူ ရရှိထားသော ငွေကြေးများကို သိမ်းဆည်းနိုင်ဆဲဖြစ်ကြောင်း ပြဋ္ဌာန်းထားသည်။ ထို့ပြင် ဥပဒေသစ်တွင် ဂျပန်အလိုတော်ရိ ပိုင်ဆိုင်မှုများကို ရှာဖွေတွေ့ရှိ၍ အစီရင်ခံတင်ပြသူများအား ဆုငွေပေးအပ်သည့် သတင်းပေးပို့ခြင်း ဆုပေးစနစ်ကိုလည်း ထည့်သွင်းပြဋ္ဌာန်းထားသည်။ (Xinhua)
...........................................
(Chinese Version)
韩国政府将建新机构追缴亲日反民族行为者财产
新华社北京8月16日电 韩国媒体16日报道，韩国政府将于12月新建一个调查委员会，负责追缴亲日反民族行为者不当聚敛的财产。这将是韩国时隔16年首次重启该工作，预计将追缴至少325亿韩元（约合1.5亿元人民币）相关财产。
韩联社援引法律界消息人士的话报道，韩国国会今年5月通过《亲日反民族行为者财产的国家归属等相关特别法》后，韩国法务部6月成立一个工作组，筹备组建“亲日反民族行为者财产调查委员会”。随着这项法律12月生效，该委员会将正式启动追缴工作。
法务部长官郑成湖表示，追缴回的资产将优先用于支援独立运动人士及其后代。“我们必须建设一个公正的国家，为国家付出一切的人应受到尊重，而出卖国家牟取钱财和名誉的人所获不义之财应被追缴。”郑成湖说。
韩国政府2006年至2010年实施过这类追缴行动，将168名亲日反民族行为者名下的2359宗土地收归国有，并将24名亲日者后代已转让给第三方的财产认定为亲日财产。这期间，韩国政府总计追缴市值2373亿韩元（约合11.3亿元人民币）的财产，但此后相关工作没有继续进行。
韩国总统李在明去年上任后，将追缴亲日反民族行为者财产列为关键议程。对于亲日派后代出售、转让或分散产权等做法，新通过的特别法规定，即使相关财产已被处理，仍可收缴所得资金。此外，新法还增设举报奖励制度，向发现并报告亲日财产者发放奖金。（张旌）
图说：8月15日，在韩国首尔世宗文化会馆，韩国总统李在明发表致辞。新华社/纽西斯通讯社
