ပေကျင်း၊ ဩဂုတ် ၂၈ ရက် (ဆင်ဟွာ)
တရုတ်နိုင်ငံသည် ကာဂျစ္စတန်နိုင်ငံ၏ အကြီးဆုံး ကုန်သွယ်ရေးမိတ်ဖက်အဖြစ် ကာလရှည်ကြာစွာ ထိန်းသိမ်းထားကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောရေးဆိုခွင့်ရှိသူ ဟွမ်လျင်က ဩဂုတ် ၂၇ ရက်တွင် ကျင်းပသော ပုံမှန်သတင်းစာရှင်းလင်းပွဲ၌ မိတ်ဆက်ပြောကြားခဲ့သည်။ ယခုနှစ် ဇန်နဝါရီလမှ ဇူလိုင်လအထိ တရုတ်-ကာဂျစ္စတန် ကုန်သွယ်မှုပမာဏမှာ အမေရိကန်ဒေါ်လာ ၁၁.၇ ဘီလီယံရှိပြီး တရုတ်နိုင်ငံ၏ “ထုတ်ကုန်အသစ်သုံးမျိုး” နှင့် လျှပ်စစ်စက်ပိုင်းဆိုင်ရာထုတ်ကုန်များ တင်ပို့မှုသည် လျင်မြန်စွာ တိုးတက်လျက်ရှိပြီး ဝန်ဆောင်မှုကဏ္ဍကုန်သွယ်မှု၊ နယ်စပ်ဖြတ်ကျော် e-commerce စသည့် ပူးပေါင်းဆောင်ရွက်မှုများလည်း ဆက်လက်တိုးတက်လျက်ရှိကြောင်း ၎င်းက ပြောကြားခဲ့သည်။
“မကြာသေးမီနှစ်များအတွင်း နှစ်နိုင်ငံခေါင်းဆောင်တို့၏ မဟာဗျူဟာမြောက် ဦးဆောင်မှုအောက်တွင် တရုတ်-ကာဂျစ္စတန် စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှုသည် တည်ငြိမ်ပြီး တိုးတက်မှုရှိတဲ့ ဖွံ့ဖြိုးတိုးတက်မှု အခြေအနေကို ဆက်လက်ထိန်းသိမ်းထားနိုင်ခဲ့ပြီး ကဏ္ဍအသီးသီး ပူးပေါင်းဆောင်ရွက်မှုမှာလည်း အပြုသဘောဆောင်တဲ့ ရလဒ်များ ရရှိခဲ့ပါတယ်" ဟု ဟွမ်လျင်က ပြောကြားခဲ့သည်။
တရုတ်နိုင်ငံသည် ကာဂျစ္စတန်နိုင်ငံ၏ အကြီးဆုံး နိုင်ငံခြားရင်းနှီးမြှုပ်နှံမှု အရင်းအမြစ်နိုင်ငံဖြစ်ကြောင်း၊ ယခုနှစ် ဇူလိုင်လကုန်အထိ ကာဂျစ္စတန်နိုင်ငံအတွင်း ကဏ္ဍအားလုံးအတွက် တရုတ်နိုင်ငံ၏ တိုက်ရိုက်ရင်းနှီးမြှုပ်နှံမှုမှာ အမေရိကန်ဒေါ်လာ ၂ ဘီလီယံကျော်ရှိကြောင်း၊ အကြီးစား အခြေခံအဆောက်အအုံများ၊ စွမ်းအင်၊ သတ္တုတွင်း၊ စိုက်ပျိုးရေးနှင့် အစိမ်းရောင် ဖွံ့ဖြိုးတိုးတက်ရေးစသည့် ကဏ္ဍများတွင် စီမံကိန်းများ ချောမွေ့စွာ ဆောင်ရွက်လျက်ရှိကြောင်း၊ တစ်ချိန်တည်းမှာပင် တရုတ်နှင့် ကာဂျစ္စတန်တို့က တရုတ်-ဗဟိုအာရှ၊ ရှန်ဟိုင်းပူးပေါင်းဆောင်ရွက်မှုအဖွဲ့ (SCO) ၏ ကုန်သွယ်မှုနှင့် ရင်းနှီးမြှုပ်နှံမှု လွတ်လပ်သောအသွင်ပြောင်းမှု၊ အဆင်ပြေလွယ်ကူသောအသွင်ပြောင်းမှုတို့ကို တက်ကြွစွာ ဆွေးနွေးအကြံပြုကာ ဒေသဆိုင်ရာ စီးပွားရေး ပူးပေါင်းဆောင်ရွက်မှုကို မြှင့်တင်လျက်ရှိကြောင်း ၎င်းက ပြောကြားခဲ့သည်။
“နောက်တစ်ဆင့်အနေနဲ့ တရုတ်နိုင်ငံက ကာဂျစ္စတန်နိုင်ငံနဲ့အတူ နှစ်နိုင်ငံခေါင်းဆောင် ရရှိထားတဲ့ အရေးကြီး သဘောတူညီမှုတွေကို အတူတကွ အကောင်အထည်ဖော်ကာ တရုတ်-ကာဂျစ္စတန် စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှုကို အရည်အသွေးမြင့် ဖွံ့ဖြိုးတိုးတက်စေဖို့ ဆက်လက်တွန်းအားပေးသွားလိုပါတယ်” ဟု ဟွမ်လျင်က ပြောကြားခဲ့သည်။ (Xinhua)
.................................
(Chinese Version)
中国长期保持吉尔吉斯斯坦第一大贸易伙伴地位
新华社北京8月27日电（记者王聿昊、谢希瑶）商务部新闻发言人黄玲在27日举行的例行新闻发布会上介绍，中国长期保持吉尔吉斯斯坦第一大贸易伙伴地位。今年1至7月，中吉贸易额为117亿美元，中国“新三样”、机电产品对吉出口快速增长，服务贸易、跨境电商等合作持续推进。
“近年来，在两国元首的战略引领下，中吉经贸合作保持稳中有进发展态势，各领域合作取得积极成果。”黄玲表示，中国是吉第一大外资来源国。截至今年7月底，中国对吉全行业直接投资超过20亿美元。大型基建、能源、矿产、农业、绿色发展等领域项目进展顺利。同时，中吉积极探讨并推动中国—中亚、上海合作组织贸易投资自由化便利化，促进区域经济合作。
“下一步，中方愿同吉方一道，共同落实好两国元首达成的重要共识，持续推动中吉经贸合作高质量发展。”黄玲说。（完）
图说：6月9日，在山东港口青岛港，一艘装载外贸集装箱的货轮停靠泊位（无人机照片）。新华社发（俞方平 摄）
