နယူးယောက်၊ စက်တင်ဘာ ၁၆ ရက် (ဆင်ဟွာ)
ဈေးကွက်သတင်းများစွာ၏ လှုံ့ဆော်မှုကြောင့် နိုင်ငံတကာရေနံဈေးနှုန်းသည် စက်တင်ဘာ ၁၅ ရက်တွင် မြင့်တက်ခဲ့ရာ နယူးယောက်ရေနံစိမ်း အနာဂတ်ဈေးနှုန်းသည် ထိုနေ့၌ ၄ ရာခိုင်နှုန်းကျော် မြင့်တက်ခဲ့သည်။
ထိုနေ့ဈေးကွက်သိမ်းသည့်အချိန်အထိ နယူးယောက်ကုန်စည်ဒိုင်၏ အောက်တိုဘာလတွင် ပို့ဆောင်မည့် အပေါ့စား ရေနံစိမ်းအနာဂတ်စျေးနှုန်းသည် ကန်ဒေါ်လာ ၄.၄၄ မြင့်တက်ကာ တစ်စည်လျှင် ကန်ဒေါ်လာ ၁၀၅.၈၃ ဖြင့် ဈေးပိတ်ပြီး ၄.၃၈ ရာခိုင်နှုန်း မြင့်တက်ခဲ့သည်။ နိုဝင်ဘာလတွင် ပို့ဆောင်မည့် လန်ဒန်ဘရန့်ရေနံစိမ်း အနာဂတ်စျေးနှုန်းသည် ကန်ဒေါ်လာ ၃.၀၇ မြင့်တက်ကာ တစ်စည်လျှင် ကန်ဒေါ်လာ ၁၀၈.၇၅ ဖြင့် ဈေးပိတ်ပြီး ၂.၉ ရာခိုင်နှုန်း မြင့်တက်ခဲ့သည်။
Bloomberg သတင်းဌာန၏ ဖော်ပြချက်အရ ဆော်ဒီအာရေဗျနိုင်ငံသည် ဥရောပဝယ်ယူသူများအား မူလက စက်တင်ဘာလတွင် ပို့ဆောင်ရန် စီစဉ်ထားသော ရေနံစိမ်းမှာယူမှုအချို့ကို ဖျက်သိမ်းမည်ဖြစ်သည်ဟု အကြောင်းကြားထားကြောင်း သိရသည်။
ဆော်ဒီနိုင်ငံခြားရေးဝန်ကြီးဌာနက စက်တင်ဘာ ၁၁ ရက် ညပိုင်းတွင် ထုတ်ပြန်သော ကြေညာချက်တစ်ရပ်၌ အီရတ်နိုင်ငံမှ ဒရုန်းအစင်းရေများစွာဖြင့် ဆော်ဒီ အရှေ့-အနောက်ရေနံပိုက်လိုင်းကို တိုက်ခိုက်မှုအား ပြင်းထန်စွာ ရှုတ်ချကြောင်း ဖော်ပြခဲ့သည်။ အဆိုပါတိုက်ခိုက်မှုအပြီးတွင် ဆော်ဒီစွမ်းအင်ဝန်ကြီးဌာနက ရေနံပိုက်လိုင်းကို ကြိုတင်ကာကွယ်သည့်အနေဖြင့် ပိတ်ထားသည့် အစီအမံများကို လုပ်ဆောင်ခဲ့ရာ ကမ္ဘာ့ရေနံထောက်ပံ့မှု ၄ ရာခိုင်နှုန်းကျော် လျော့နည်းသွားစေခဲ့သည်။
Goldman Sachs Group မှ လေ့လာသုံးသပ်သူ Yulia Zhetkova Grigsby က ရေနံအခြေခံအဆောက်အအုံများကို တိုက်ခိုက်မှုသည် အရှေ့အလယ်ပိုင်းပဋိပက္ခ သိသိသာသာ မြင့်တက်လာမှုကို ထင်ဟပ်ပြသပြီး ရေနံဈေးနှုန်း တစ်စည်လျှင် ကန်ဒေါ်လာ ၁၂၀ ကျော်လွန်နိုင်သည့် ဖြစ်နိုင်ခြေကို မြင့်တက်စေမည်ဟု ပြောကြားခဲ့သည်။ (Xinhua)
-----------------------------
(Chinese Version)
市场消息刺激纽约油价上涨超4%
新华社纽约9月15日电（记者刘亚南）由于多个市场消息刺激，国际油价15日走高，纽约原油期货价格当日上涨超4%。
截至当天收盘，纽约商品交易所10月交货的轻质原油期货价格上涨4.44美元，收于每桶105.83美元，涨幅为4.38%；11月交货的伦敦布伦特原油期货价格上涨3.07美元，收于每桶108.75美元，涨幅为2.9%。
据彭博社报道，沙特阿拉伯已经通知欧洲客户，一些原定于9月份交货的原油订单将被取消。
沙特外交部11日晚发表声明，强烈谴责来自伊拉克的多架无人机对沙特东西输油管道发动袭击。沙特能源部在袭击发生后对该管道采取预防性关闭措施，造成全球石油供应减少4%以上。
高盛集团分析师尤利娅·热斯特科娃·格里格斯比表示，对石油基础设施的袭击标志着中东冲突显著升级，将增大油价超过每桶120美元的可能性。（完）
图说1：这是9月15日在美国纽约拍摄的车流。新华社记者 张凤国 摄
图说2：9月15日，在美国纽约拉瓜迪亚机场，一辆加油车准备为飞机加油。新华社记者 张凤国 摄
