ကိုလံဘီယာနိုင်ငံ၏ ငြိမ်းချမ်းရေးသဘောတူညီချက်ကို ဆက်လက်အကောင်အထည်ဖော်ရန် တရုတ်နိုင်ငံ တိုက်တွန်း

ကုလသမဂ္ဂ၊ ဧပြီ ၂၂ ရက် (ဆင်ဟွာ)
ကိုလံဘီယာနိုင်ငံ၏ ငြိမ်းချမ်းရေးသဘောတူညီချက်ကို ဆက်လက်အကောင်အထည်ဖော်ရေးအတွက် ကြိုးပမ်းအားထုတ်ကြရန် တရုတ်နိုင်ငံ သံတမန်က ဧပြီ ၂၁ ရက်၌ တိုက်တွန်းပြောကြားခဲ့သည်။
ယခုနှစ်သည် ကိုလံဘီယာနိုင်ငံ၏ ငြိမ်းချမ်းရေးသဘောတူညီချက် လက်မှတ်ရေးထိုးခဲ့သည့် ၁၀ နှစ်ပြည့် အထိမ်းအမှတ်ကာလဖြစ်ကြောင်း၊ ကိုလံဘီယာနိုင်ငံ အစိုးရနှင့် ပြည်သူများအနေဖြင့် ရေရှည်တည်တံ့သော ငြိမ်းချမ်းမှုနှင့် ဖွံ့ဖြိုးတိုးတက်မှုကို ရည်မျှော်၍ ကြီးမားသော ကြိုးပမ်းအားထုတ်မှုများ လုပ်ဆောင်ခဲ့ရာ သိသာထင်ရှားသော တိုးတက်မှုများ ရရှိခဲ့သဖြင့် ပဋိပက္ခများကို စေ့စပ်ဆွေးနွေးမှု၊ ညှိနှိုင်းမှုတို့ဖြင့် ဖြေရှင်းရေးအတွက် စံနမူနာတစ်ခု ချမှတ်ပေးခဲ့ကြောင်း ကုလသမဂ္ဂဆိုင်ရာ တရုတ်နိုင်ငံ ဒုတိယအမြဲတမ်းကိုယ်စားလှယ် စွန်းလေက ပြောကြားခဲ့သည်။
တရုတ်နိုင်ငံအနေဖြင့် ယင်းအား များစွာချီးကျူးကာ ကိုလံဘီယာနိုင်ငံ၏ ငြိမ်းချမ်းရေးလုပ်ငန်းစဉ်အား ယခင်ရရှိခဲ့သည့် တိုးတက်ဖြစ်ထွန်းမှုများအပေါ် အခြေခံတည်ဆောက်ကာ ပိုမိုသေချာရေရာသော ရလဒ်များ ဖော်ဆောင်ရာတွင် အထောက်အကူပေးလျက်ရှိသည်ဟု ၎င်းက လုံခြုံရေးကောင်စီ၌ ပြောကြားခဲ့သည်။
အဆိုပါ ငြိမ်းချမ်းရေးသဘောတူညီချက်သည် ကိုလံဘီယာနိုင်ငံ၏ ရေရှည်တည်ငြိမ်မှုနှင့် ဒေသတွင်း ငြိမ်းချမ်းမှု၊ လုံခြုံမှုတို့အတွက် ပဓာနကျသည့်အလျောက် ယင်းအား စဉ်ဆက်မပြတ် အကောင်အထည်ဖော်သင့်ကြောင်း ၎င်းက ဆက်လက်ပြောသည်။
သမ္မတရွေးကောက်ပွဲ ကျင်းပရန် တစ်လအလိုတွင် ကိုလံဘီယာနိုင်ငံသည် ငြိမ်းချမ်းရေး သဘောတူညီချက်ကို အကောင်အထည်ဖော်ရာ၌ အခွင့်အလမ်းများနှင့် စိန်ခေါ်မှုများ ယှဉ်တွဲနေသည့် အလွန်အရေးကြီးသော အဆင့်၌ ရောက်ရှိနေကြောင်း၊ ရွေးကောက်ပွဲကျင်းပပြီးနောက်တွင်လည်း သက်ဆိုင်ရာ အဖွဲ့အစည်းအားလုံးအနေဖြင့် ကိုလံဘီယာပြည်သူများအတွက် ခိုင်မြဲသော ကတိကဝတ်ကို စောင့်ထိန်းခြင်း၊ စည်းလုံးညီညွတ်မှုနှင့် ပူးပေါင်းဆောင်ရွက်မှု ပိုမိုခိုင်မာအောင် လုပ်ဆောင်ခြင်း၊ ငြိမ်းချမ်းရေးအတွက် ခဲရာခဲဆစ် ရယူခဲ့ရသော တိုးတက်မှုများကို စုစည်းတည်ဆောက်ခြင်း၊ ယင်းသဘောတူညီချက်အား ဖော်ဆောင်ရာတွင် ကြုံတွေ့ရသည့် အန္တရာယ်များနှင့် စိန်ခေါ်မှုများကို တက်တက်ကြွကြွ ကိုင်တွယ်ဖြေရှင်းခြင်း၊ ငြိမ်းချမ်းရေး လုပ်ငန်းစဉ်အတွက် အရှိန်အဟုန်သစ်များ ဖြည့်တင်းပေးခြင်းတို့ကို လုပ်ဆောင်သင့်ကြောင်း စွန်းက ပြောကြားခဲ့သည်။
“ကိုလံဘီယာအစိုးရအနေနဲ့ ရွေးကောက်ပွဲအတွက် လုံခြုံရေးကို အားဖြည့်ဆောင်ရွက်တာ၊ သဘောတူညီချက်မှာ ပါဝင်တဲ့ လုံခြုံရေးဆိုင်ရာ ပြဋ္ဌာန်းချက်တွေကို အရှိန်မြှင့် အကောင်အထည်ဖော်တာ၊ ဝေးလံခေါင်သီတဲ့ အရပ်ဒေသတွေမှာ ဥပဒေစိုးမိုးရေးအဖွဲ့ဝင်တွေ တိုးမြှင့်ချထားတာ၊ တရားမဝင် လက်နက်ကိုင်အုပ်စုတွေနဲ့ ရာဇဝတ်ဂိုဏ်းတွေကို တိုက်ဖျက်တာ၊ အရပ်သားတွေနဲ့ လက်နက်ကိုင်အဖွဲ့ဝင်ဟောင်းတွေကို ထိထိရောက်ရောက် အကာအကွယ်ပေးတာတွေကို တရုတ်နိုင်ငံက ထောက်ခံအားပေးပါတယ်” ဟု ၎င်းက ဆိုသည်။
ကိုလံဘီယာအစိုးရအနေဖြင့် ငြိမ်းချမ်းရေးသဘောတူညီချက် အကောင်အထည်ဖော်ရာတွင် ကျေးလက်ဒေသ ဘက်စုံပြုပြင်ပြောင်းလဲမှုကို ဦးစားပေးဆောင်ရွက်နေသည့်အပေါ် တရုတ်နိုင်ငံက ချီးကျူးပါကြောင်း၊ ထို့အတူ ကိုလံဘီယာ အစိုးရအနေဖြင့် အကြမ်းဖက်မှု၏ အရင်းခံအကြောင်းရင်းများကို ဆောလျင်စွာ ဖယ်ရှားနိုင်ရေးအတွက် လက်နက်ကိုင်အဖွဲ့ဝင်ဟောင်းများအား လူ့အဖွဲ့အစည်းအတွင်း ပြန်လည်ဝင်ဆံ့နိုင်စေမည့် အခြေအနေများ ဖန်တီးပေးမည်ဟု မျှော်လင့်ကြောင်း စွန်းက ပြောသည်။
ကိုလံဘီယာအစိုးရနှင့် ပြည်သူများအနေဖြင့် ငြိမ်းချမ်းရေးအတွက် ကြိုးပမ်းဆောင်ရွက်ရာတွင် ကုလသမဂ္ဂနှင့် နိုင်ငံတကာအသိုင်းအဝိုင်း၏ ခိုင်ခိုင်မာမာ ထောက်ခံအားပေးမှုကို လိုအပ်နေကြောင်း၊ ကိုလံဘီယာနိုင်ငံက ဦးဆောင်ပြီး ကိုလံဘီယာနိုင်ငံ၏ ကိုယ်ပိုင် ငြိမ်းချမ်းရေးလုပ်ငန်းစဉ်အား ပိုမိုအထောက်အကူပေးနိုင်ရေးအတွက် တရုတ်နိုင်ငံအနေဖြင့်လည်း နိုင်ငံတကာ အသိုင်းအဝိုင်းနှင့်အတူ လက်တွဲလုပ်ဆောင်ရန် အသင့်ရှိကြောင်း ၎င်းက ပြောကြားခဲ့သည်။ (Xinhua)
……………………………………………………..
(English Version)
China calls for continued implementation of Colombian peace accord
UNITED NATIONS, April 21 (Xinhua) — A Chinese envoy on Tuesday called for efforts to implement the Colombian peace agreement.
This year marks the 10th anniversary of the signing of the Colombian peace agreement. Over the past decade, the government and people of Colombia have made tremendous efforts and achieved notable progress toward lasting peace and development, setting a model for resolving conflicts through dialogue and negotiation, said Sun Lei, China’s deputy permanent representative to the United Nations.
China highly commends this and supports Colombia’s peace process in building on the past achievements and delivering more tangible results, he told the Security Council.
The peace agreement should be continuously implemented, as it is essential for Colombia’s long-term stability and regional peace and security, he said.
With the presidential elections a month away, Colombia is at a critical juncture where opportunities and challenges coexist in implementing the peace agreement. After the elections, all parties concerned should uphold the firm commitment to the Colombian people, strengthen unity and cooperation, consolidate the hard-won gains in peace, actively address risk and challenges in implementing the agreement, and inject new impetus into the peace process, said Sun.
“China supports the Colombian government in strengthening security for the elections, while accelerating the implementation of the security provisions of the agreement, increasing state security presence in remote areas, combating illegal armed groups and organized crime, and effectively protecting civilians and former combatants,” he said.
China commends the Colombian government for prioritizing comprehensive rural reform in the implementation of the peace agreement. It is also hoped that the Colombian government will create conditions for the reintegration of former combatants into society so as to remove the root causes of violence at an early date, said Sun.
The Colombian government and people need strong support from the United Nations and the international community in their pursuit of peace. China stands ready to work with the international community to provide more assistance to a peace process that is Colombian-led and Colombian-owned, he said.
English Caption
Sun Lei (C), China’s deputy permanent representative to the United Nations, speaks at an emergency meeting of the Security Council at the UN headquarters in New York, on Dec. 29, 2025. (Xinhua/Zhang Fengguo)